អ៊ីរ៉ង់ប្រកាសថា មីស៊ីល​ខ្លួនគឺសម្រាប់ការពារ មិនមែនទុកសម្រាប់ចរចានោះទេ (មានរូប)

យោងតាមសារព័ត៌មានចិន សុិនហួ ចេញផ្សាយថ្ងៃ​នេះបានឲ្យដឹងថា ​ មេបញ្ជាការកងទ័ពរបស់អុីរ៉ង់ បាននិយាយនៅថ្ងៃចន្ទ ថា អំណាចរបស់មីសុីលអុីរ៉ង់ គឺសម្រាប់ការពារ មិនមែនទុកសម្រាប់ចរចាគ្នាឡើយ។

​តាមការលើកឡើងរបស់ លោកឧត្តមសេនីយ៍ Mohammad Hossein Baqeri និយាយថា ទោះបីជាមានគំរាមកំហែង និងបន្តគំរាមកំហែង ពីសំណាក់សត្រូវប៉ុន្មានទសវត្សរ៍មកនេះក្តី ក៏សាធារណរដ្ឋអុីស្លាមមួយនេះ អាចការពារព្រំដែនខ្លួន និងយកឈ្នះលើពួកភេរវករបានដែរ។

គួរបញ្ជាក់ដែរថា​ ឧត្តមសេនីយ៍រូប​ ក៏បានអំពាវនាវឲ្យកងទ័ពបង្កើនការកំញើញ និងត្រៀមខ្លួនដើម្បីទប់ស្កាត់ ការគំរាមកំហែងផ្នែកសន្តិសុខ ពីសំណាក់ប្រទេសមហាអំណាចមួយចំនួន និងសម្ព័ន្ធមិត្តក្នុងតំបន់ពួកគេ ដែលក្នុងនោះមានប្រទេសអុីស្រាអែល ដែលតែងតែប្រឆាំងនឹងអុីរ៉ង់៕