ឈុតឆាកបាញ់ប្រហារដ៏ក្ដៅគគុក…! ស្លាប់១ របួសជាច្រើននាក់ នៅស្ថានទូតអ៊ីស្រាអ៊ែល (មានរូប)

បរទេស៖ បុរសជនជាតិហ្ស៊កដង់​ម្នាក់បានស្លាប់ និង ជនជាតិអ៊ីស្រាអ៊ែល-ហ្ស៊កដង់២នាក់ផ្សេងទៀត រងរបួសធ្ងន់ ក្នុងហេតុការណ៍បាញ់ប្រហារ មួយកើតឡើងនៅនឹងស្ថានទូតអ៊ីស្រាអ៊ែល ប្រចាំក្នុងប្រទេសហ្ស៊ូដង់។ នេះបើយោងតាមការផ្សាយរបស់ទីភ្នាក់ងារសារពត៌មាន RT នៅថ្ងៃទី ២៣ ខែកក្កដា ឆ្នាំ២០១៧នេះ ។

បើតាមការអះអាងពីប៉ូលីសហ្ស៊កដង់ បានឲ្យដឹងថា​ ជនជាតិហ្ស៊កដង់២នាក់ ដែលធ្វើការឲ្យក្រុមហ៊ុន ផ្គត់ផ្គង់សំភារៈ បានធ្វើដំណើរចូលទៅក្នុង ស្ថានទូតអ៊ីស្រាអ៊ែល នៅមុនពេលដែលហេតុការណ៍ បាញប្រហារបានកើតឡើង ខណៈដែលប្រភពព័ត៌មានខ្លះ បានបញ្ជាក់ពីហេតុការណ៍ បាញ់ប្រហារនេះ មិនបានច្បាស់លាស់ឡើយ។

ទោះបីជាយ៉ាងណាក្តី មនុស្ស៣នាក់ ត្រូវបានគេបញ្ជូនទៅកាន់មន្ទីរពេទ្យ ព្រមជាមួយនឹងសាកសព បុរសជាជនជាតិហ្ស៊ូដង់ម្នាក់ផងដែរ ដែលបានស្លាប់ដោយសារ រងគ្រាប់កាំភ្លើងអស់ជាច្រើនគ្រាប់ ហើយក្រុមប៉ូលីស នៅតែបញ្ជាក់ថា ការស៊ើបអង្កេត នៅកំពុងបន្តធ្វើនៅឡើយ៕